港股通新貴的表現

港股通新標的在9月6日正式生效,13隻新標的有何表現,吸引咗幾多北水資金,現時正是看數據作分析的時候。

整個新標的流程,由8月20日恒指公司宣佈恒生綜合指數季檢開始,至於如何解讀及理解誰是真實新標的,不贅。9月3日收市後季檢便會生效,而在9月6日開市前,滬深交易所都會分別公佈,有關港股通的調整名單。現時最新的CCASS數據,是截止9月8日,換言之可以睇到新標的首三天的情況。
» Read more

北水新貴生效日買入情況

北水新貴在星期一正式加入標的,但結果北水是否喜愛呢?剛更新的CCASS數字,就客觀地睇到究竟有甚麼北水新貴在首天(星期一)真係有被北水吸納。

附圖是滬深兩邊在首日的淨流入top 50,左邊是深圳,見到頭十位有開拓藥業(9939),首天買了193萬股,價值約1.5億元,第二隻新貴是阜博(3738),首天買入了1459萬股,約1.2億元。右圖是上海,數到第31位才見首隻新貴時代天使(6699),買入了49000股,約1841萬元,跟住係復旦微電(1385),買入71萬股,約1728萬元。而一如青冰所預計,港人最熟識最有本土味的香港科技探索(1137),北水首天是零買入,而誠哥的和黃醫藥(0013),跟其他誠哥系的股一樣,北水不太愛,首天只買入4500股,約30萬元。
» Read more

1-9-2021 港股通告簡評

數碼通(0315)業績

新鴻基系的股份,都是6月年結,所以這幾天陸續都會公佈全年業績,打頭陣的是數碼通,全年收入下跌3%,但盈利就升17%,若撇除去年的一次性減值,核心盈利微升1%。這幾年的數碼通都係一個穩字,唔特別好亦唔特別差,安心做一隻新地(0016)的現金牛,末期息派0.155元,加埋中期息0.145元,全年派0.3元,股息率約6.8%,係幾吸引,但如果睇返近五年的派息走勢,睇到係一個下降趨勢,股息率徘徊在5厘至8厘,咁派息額向下,股息率維持的話,即係代表用個股價調整囉,股價向下,收息都係得不償失,都係嗰句,買香港電訊(6823)仲好啦。
» Read more

31-8-2021 港股通告簡評

江南布衣(3306)業績

全年收入按年升33%,盈利升86.7%,早前盈喜係話盈利會升8成,算係輕微高過啦,末期息派0.72港元,特別息0.39元,合共1.11元,計埋中期息全年就有1.50元,折合是約8厘息。生意好,經營所得的現金流大升,屬健康,收到嘅錢沒有去亂用亂買股票,放在銀行做定期,仲派特別息,正經公司善待股東,不錯啊。
» Read more

30-8-2021 港股通告簡評

美團(3690)業績

美團次季虧損32.5億人仔,較預期為少,而收入就略高過預期,而上半年係蝕82億,換言之次季係比首季有進步,蝕少咗,同騰訊(0700)一樣,現是最困擾的未必係業績的好壞,而是好多失驚無神的監管及打壓。雖說業績唔重要,但都略講幾句啦,睇大數,外賣收入231億,到店及旅遊86億,新業務120億,而外賣就貢獻了24億盈利,到店及旅遊有36億,新業務係蝕92億,咁一睇就知邊度出問題,新業務就係社區電商,這板塊要流幾耐血,青冰唔識睇,但現時阿爺打壓的,係有盈利的外賣業務,及社區電商要履行社會責任云云,所以就咁睇個大數,就知美團有排煩,所以,都唔再花時間詳情睇了。
» Read more

1 2 3 4 5 6 29