UberEats 步兵常見問題
UberEats 好處
1. 唔駛報更，有時間就可以上線接單
2. 申請簡單，毋須親身上寫字樓作登記
程式下載
註冊後，下載Uber Driver，上載身份證及個人相片便可等待審批。
（經小弟邀請，開通後首一個月做滿 30 單就可額外獲得 $700。手機版註冊，佢冇自動幫你填referral code，Uber光明正大唔比$700你，所以建議使用電腦註冊。有問題請[email protected]，或加入TG Group ）
用咗師兄邀請碼，但做完佢Block我？
世界上總有自私嘅人，剝削人梗係爽，不如試吓你被剝削啦。
奉勸有能力做到 30 單的朋友，慎選合作伙伴！
搵錢（步兵／單車／車手用）：Uber Driver
叫嘢食（食客用）：Uber Eats
收入
相對其他平台（如：FoodPanda、Deliveroo）每單收入及成交宗數會較低，不計額外獎賞下，大約 $25/單。
有巴打分享每日3個鐘午飯收入，當然呢個收入係歷史數字，印象中當時Uber Group只有 400 人，現在已經有 1,500人 ：https://na.cx/i/p5P78AS.jpg
收入視乎客戶需求，分分鐘比最低工資低。
結算：每星期日晚截數，星期二到帳（設定收款帳戶：帳戶 > 付款），可參閱官方設定銀行帳戶教學。
按金：$100，唔做先有得拎返 疫情下豁免
報稅：
Uber 每周出糧，唔想被人見到就唔好set 平時正職個出糧戶口做Uber出糧戶口
標準答案：假如你在該課稅年度的薪俸收入不超過基本免稅額（年薪HK$HK$132,000），便無須報稅或繳納薪俸稅。不過，如果你收到稅務局發出的個別人士報稅表（BIR60），就算你沒有任何收入須申報，你仍要依時填妥及提交報稅表。現時Freelancer大行其道，兼職或自僱人士需留意，就算你沒有公司定期出糧或是以現金出糧，若果你的收入已超個人免稅額就要報稅。
更正：UBER俾你嘅係「服務費」唔係「薪金」，佢唔會幫你報稅供強積金。
立即申請賺外快！
接單流程
1. 上線後，有單就會震機，按「接受」。
2. 程式會顯示餐廳名稱及地址。
3. 到達後，向餐廳報上 5 個英文字母+數字的訂單號碼。
4. 確認後，剔上已取餐，再向右拉「開始送貨」。
5. 送餐後，再禁「已完成」。
註一：步兵導航同車手一樣，所以有時會老點你行車路，千祁不要盡信！
註二：等單可以跳出主畫面Lock Screen就慳電啲，帳戶>App設定>無障礙>收到預約時震動。
裝備
無任何要求，即不用指定服飾、保溫袋。
註：雖然公司在首次出糧扣除按金 $100 作保溫袋按金，你可以選擇唔取袋，直到唔做都可以取回按金（到時再request佢寄出，你再拎返上Uber）
建議上線位置
香港島：中環區、灣仔及銅鑼灣區 、北角
九龍：尖沙咀、旺角及深水埗區、九龍城及新蒲崗區
屯門：荃灣、葵涌、將軍澳、屯門
天水圍：天秀、頌富及樂湖
企位詳情：http://hkubereats.com/walker/
另一測試方法：可以裝食客專用的 Uber Eats 睇下附近有咩餐廳
註：有手足反映荃灣需要上山下鄉，九龍灣要入啟德、彩德，新蒲崗要入黃大仙、九龍灣、九龍城及啟德！
接單時間
從訂外賣客戶角度諗：咩時間先會叫多？官方就推薦以下兩段時段最多單。
午市最多單時候： 上午11:30 － 下午1:30
晚市最多單時候： 下午18:30 － 下午20:30
交通費津貼
步兵只會接到半徑800米內的訂單，而單車手則只會接到半徑1.2公里內的訂單。若 Google Maps 上顯示之實際步行距離需：
在Google Map 上，餐廳去送餐地址顯示為：
步兵 1.1公里或以上、單車手 2 公里或以上可直接乘坐公共交通工具，然後於手機程式內的「協助」，將收據或證明附上。
你需要預備：
A) Google Maps 嘅 Screen Capture，證明你點對點嘅距離等於或大於上述距離
B) 你俾咗錢搭車嘅證明，例如八達通App記錄、八達通機扣錢畫面等
搵返你需要claim錢嘅trip，揀返右上角嘅Help掣，再揀 Trip Issues and Adjustments > Walker Transportation Reimbursement Form
註：Pizza多過$700嘅話，系統會提示你搭的士。
獎金
獎金分為兩種：
1. 基本獎金：幾時都有既，平日係兩單送 $12，星期六至日係三單多 $15 $12。
2. 額外獎金：通常係午市俾多 $2/單又或一星期做夠幾多單俾翻幾十蚊你，即係除翻開每單多幾蚊。
請留意官方TG資訊。
獎金通常後補，不會即時更新。
有時落雨（歷史上落到黃雨先有）會額外每單多$30 $15 。
現金單
送完餐去客人度，客人會俾現金你，金額包括食物連運費既錢。
之後系統會係你餘額度扣翻，變相提早岀糧。
不過，金額大於 $650 就要用信用卡交返俾公司先可以繼續行程，詳情：http://hkubereats.com/returncash/。
客人地址下面完成條Bar會變左收取現金，拉左會俾銀碼你睇。
現金單要拉兩次，第一次係show要收幾錢，第二次係確認收左錢。
例子：如顧客付款 $141，而你每周收入為 $200，結餘會變成 $59。
開啟教學：http://hkubereats.com/optincash/
貼士
有Tips既會有個綠Tick係隔黎，當然客人亦有機會俾現金小費啦。
去緊攞餐個陣又有新單
1. 未取餐再響：同一間餐廳有兩單，你一次過拎哂，然後送去兩個地方，但錢只係計一單，只係距離長啲。
2. 去緊個客度再響：分定下一單俾你，恭喜哂！
顯示係繁忙地區，但無單？
系統表示該區域曾經多人叫外賣，並不代表依一刻多人嗌。
語言選擇
Icon > Account > App Settings > Language
車速限制
見 App 左下角數字（50），只適用於車手。
評分
Icon > Rating，評分要做大約三十幾單先有得睇，視乎有幾多客俾好評。
掛在門口
有時客人要求掛在門口，但個App禁完冇反應，試下 kill App 再入就開到相機。
如果接單後，發現張單已擺係餐廳好耐，應該點做！？
有師兄教路：可以打定俾個客講，話留意到張單已經好耐，你其實幾時先接到張單，可能因為Uber嗰邊一直都搵唔到人送，再代表uber同個客講聲唔好意思。然後同佢講你會照送，如果你唔滿意啲嘢食再搵Uber客服講睇下有無得refund，通常啲客都會接受。
我想申請步兵,但係去到推薦人號碼就唔比我過(因為我冇推薦人號碼)應該點做
我頭先試過唔落邀請碼都可以註冊。如果你唔介意的話可以用我邀請碼zsr8gg16p，30天內完成30單，大家各有$700獎賞。
謝謝你，我唔介意
已登記成功 卻上不了線
可能是等待文件審批/要求拍攝照片認證。
邀請碼可後補嗎
聽聞未開始做第一單就可以聯絡客服加返。
做完現金單無顯示運費 我如何知自己搵幾錢
左上: 行程收入>最近交易 會睇到收取現金上面有項Delivery就係個程收入。
(有師兄反映:今日Uber系統有問題)
開戶，城市是寫甚麼？
Hong Kong
你好！我已註冊左申請步兵，用手機板註册，但点樣開啟程式接單？謝謝！
註冊完要上載身份證同頭像等資料認證，跟住等審批通過就可以用Uber Driver上線。
我巳完成上載資料，亦成功批准，是否返回urber apps開啟，但亦試過入去開，入完電話號碼，沒有反應，我怎樣處理？謝謝！
係，我既理解係入完電話號碼再輸入密碼就登入到。
沒有反應意思指程式hand機？
入左電話no.佢話巳傳送，但设有要求入密碼的，我都唔知係咪hand機！
頭先試過登出Uber Driver再入，應該係用電郵+密碼登入，入到就可以拍攝相片，選步兵/單車/電單車上線。
巳試過登出，再登入，都係不成功，唔緊要la, 謝謝你幫忙！
如問題持續，可向Uber反映問題，看看官方如何答覆。
好，唔該哂！謝謝！
我係Uber eat walker想請問點解我見唔到入咗數比我？ 應該4/5出糧
我尋日收到出糧。如果收唔到，檢查有冇打錯銀行帳戶資料，教學可參閱Uber官網。
大大好，我想問下咩情況下無得揀現金單？我睇番教學應該有個icon襟入去揀，但係我個apps無果個icon
已經re-install同換電話
以前我做到第20單開始就有呢個icon，如果你做到20單仍然無顯示，試下聯絡客服睇下咩情況以及可否幫你開通。
單車兵比步兵多啲人工？冇單車扮單車兵係咪唔可取？
另外，比推薦碼我呀，thx
1. 單車兵同步兵人工一樣，視乎每張單距離再計數，單車兵只係接單範圍較遠，相對容易d有單。
2. 人肉單車睇地區，例如港島多數中到上山，行到顛，個客等得耐又會催。
3. 推薦碼：zsr8gg16p
請問無信用卡點做現金單？
那有錢要退還Uber時，是否要特意到銀行新辦一張信用卡以用作退款？
有其他方法嗎？
現金單一般要超過某個金額先需要找數（教學話係$650），但我最多都係-$300，所以唔需要擔心。萬一無信用卡，可以選用Oepay/Tap&Go找數。前者要上載個人資料，後者未用過不便評論。
如果拎左餐見到太遠, 附近又無公共交通工具, 只可以照去? 有無得取消?
取餐後先取消唔送會被Uber罰$50，好唔抵啊！
Foodpanda 幾耐出一次糧?
睇熊貓網站講每兩星期出一次糧，因為我只做Uber，所以你請教其他人較好。
你好，請問在新增銀行賬戶裡面
收款人地址是什麼
是填自己家的住址，還是寫銀行分行的地址
我寫咗自己屋企地址，成功收錢。
因為下面要填埋出生日期，以我理解「收款人地址」即係「戶口持有人地址」。
想問下登記完 id.相
係咪已經可以自行係market下載？
Uber建議我下載app果度無反應。。
好多師兄反映果個位無反應，自行去商店下載就可以。
冇保温袋能不能做？保温袋係唔係可以攞？
Uber係唯一一間唔需強制拎冇保袋既外賣平台，冇保溫袋都可以做。
你有否比較過Deliveroo、foodpanda及uber收入？通常在街看到Deliveroo或foodpanda多人叫外賣，會否uber少人叫外賣？
Deliveroo及Foodpanda都需要預約幾星期去上堂，而我只係業餘玩下，有正職做就無再特登出去開。感覺前兩者會多單d，Uber唔需要著衫，可能路人做緊你都唔知，但肯定講句係好少單！因為Uber無落咁多廣告同coupon，所以無乜人食（即使迎新券都唔會有好大吸引力）。
想問吓有冇話要夠咗18先可以做?
幫你查咗條款，需要18歲才能擁有帳戶。
原文如下：You must be at least 18 years of age, or the age of legal majority in your jurisdiction (if different than 18), to obtain an Account, unless a specific Service permits otherwise.
請問，我係個app到簡左uber walker,但係有時上線果陣佢又要我新加車輛既資料，咁我到底係咪做緊步兵，thx
你好，我登記左ubereats walker,但係有時我上線果陣佢會叫我簡walker定單車，但我禁左walker佢又叫我新增車輛，咁請問我到底係咪做緊步兵
係個App設計得衰，你點完Walker出返去就可以，唔需要按「新增車輛」粒制。
如果問題持續，我諗要問CS，我暫時未遇過呢個問題，Sorry。
想問下交完申請大概要等幾耐先可以有得做？
同埋佢話留電話SEND條LINK黎下載APP
入咗電話但收唔到MSG係咪正常架？
我有朋友星期六申請，星期一就可以上線。
另外收唔到MSG，可自行到App Store/Google Play下載，唔一定經佢條link下載。
在play store 找唔到uber eat for walker, 只找到uber eats、uber eats for restaurant、uber fleet？
步兵係用Uber Driver，只係APP內選Walker。
你好，想問：
1. 有單響機係斯咪瑋定要㩒左接單先知去邊間餐廳？
2. 接左單係咪都仲未知個客既地址？ 只個餐廳地址？
3. 接左單但未攞餐， 如果想踢會唔會有懲罰？
謝謝你
Sorry 呢幾日忙，未覆到。
1. 係，如果你做得多、熟果區大概會從地圖定位知道係咩餐廳。
2. 接咗單只得餐廳地址，直至你取餐後拉開始送餐先知客人地址。
3. 接單未取，踢單唔會有懲罰；但取餐後再踢就會被扣錢。
唔該曬。另外想問下爸爸幾時出糧？
如果你入咗銀行資料，逄星期二就會出糧。
你提過ubereats唔需要強制拎保溫袋，若果唔需要拎而用自己嘅保溫袋咁需唔需要俾保溫袋$100按金?
先前Uber 係TG講保溫袋按金都免收，而你唔帶保溫袋開工都無問題，因為呢間無硬性規定一定要有先接到單。
你好，想問註冊名字一定要和身份證一樣嘛？
因為我註冊時一時心急入了身份證全名，但聯絡客服，他回覆一定要用全名不能改，咁咪啲客知哂我個名？
Thanks
冇記錯的話，處理方法係好似客人咁隱藏咗你個姓，例如你叫Chan Tai Man，你接單個客只會知Tai Man C.咁，有d客叫外賣落真實全名，都係睇唔到佢個姓。
btw 我都係用全名註冊……
你好, 我想問, 我申請果時填左你既Referral code, 點樣可以睇返係咪真係有呀?
Thanks
應該只有我睇到, 我見最近得Wxx Kxx Lxx 用我code（等你confirm，稍後會刪返呢段）。
Uber driver app 突然顯示私隱模式,是什麼意思?
只係用於隱藏收入，可以點一下隻眼，再按左上顯示返收入。