專注香港股市資訊 分享港股IPO認購策略
1. 供股性質說明，計數嘢但好重要！
2. 先講個結論，實際供股折讓只係得4.9%，如果供股後無其他因素影響，個股價應該係HK$59.7。
3. 供股就係上市公司向現有股東（記住係：現有股東），按佢地持股比例發行新股，唔係現有股東係無權認購嘅。
4. 假設領展已發行股數係100股，總供得3個股東：股東A本身持有20股，股東B本身持有30股，股東C本身持有50。咁佢地本身持股比例係2比3比5。
5. 今次5供1供股，即係會發行多20股新股（100/5=20），即係股東A可以認購4股（20/5=4）；股東B可以認購6股（30/5=6）；股東C可以認購10股（50/5=10）。
6. 假設全部跟供，供股後，A總共有24股（20+4=24）；B總共有36股（30+6=36）；C總共有60股（50+10=60）。
7. 請問A、B、C之間持股比例有冇因為供股而變化？係冇。因為24:36:60，即係等如2比3比5。所以如果現有股東都供股，無股東係會俾人攤簿持股比例。
» Read more
1. 滙豐 2022全年業績，收入（美元，下同）517億，同比2021微升4%；雖然食正加息周期，淨利息收入有326億，大升23%，但非利息收入115億，就大跌13%，所以整體只係微升。
2. 市場一致預期，聯儲局2023年都係會keep 住加息，所以管理層好有信心直接講埋2023全年會有360億淨利息收入，即係將會升11%，呢個係好清晰嘅增長前景。
3. 尋晚最新聯儲局會議紀要都講咗通脹放緩中，但距離目標2%依然好遠，加息唔會咁快玩完。
4. 致於非利息收入縮水13%，主要係保險業務表現差、財富管理收入跌，投資情緒關係，客戶投資活動減少導致收費減少、仲有資本市場業務費用收益都係全線下跌，呢個睇落好似差過渣打喎。
5. 主要費用方面，預期信貸損失撥備，由2021年回撥9億（即係收益），大幅上升45億變成到撥備36億（即係費用）。
6. 2021年回撥因為2020年疫情因素恐慌性做咗88億撥備費用，咁疫情無想像中咁恐怖，2021知撥多咗，咪reverse番9億。
7. 但2022年嘅主題係內房客戶default 風險，又撥咗36億，即係呢一刻，管理層覺得疫情係驚過內房嘅，因為佢地覺得防疫政策終於躺平，對房地產行業預期會放鬆監管政策。
8. 經營費用由2021年嘅346億，降低咗3.7%到333億，呢個係抵讚嘅，因為唔似信貸撥備咁數字遊戲，撥嚟撥去；亦都唔係靠外圍因素加息減息，係扎扎實實管理層死慳死抵、效率提升嘅表現。
9. 股東應佔利潤148億，同比升18%，利潤率29%，同比2021年25%升4個百份點；有形權益回報9.9%，比2021年8.3%升咗1.6個百份點，無可否認，呢啲都係整體效益提升嘅表現。
» Read more
今日彭博新聞報導，內地監管機構敦促國企公司逐漸棄用四大會計師行，以免在核數的過程中，會有資料外洩。這消息未經證實，大家當然可以當故仔聽住先，但如果日後真的要跟住做，相信影響都會幾廣泛，雖然新聞指在離岸(包括香港)的子公司仍可繼續用四大會計師行，但母公司就要用返國內或香港的會計師作核數，用這個邏輯，即是中銀香港(2388)仍可用四大，母公司中行(3988)就要用返土炮公司了。
» Read more
恒指下周五收市後將公佈季檢結果，青冰正在整理數據，準備對候選股作篩選，早前一直指染藍大熱的百勝中國(9987)，在上周公佈完全年業績後，在財務數字上已無阻礙，在市值及盈利上都達標，最後一個是最難捉摸的流通成交量測試，恒指公司稱之為「換手率測試」。
» Read more
1. 要衡量渣打前景可以睇兩樣嘢：1）佢業務規模同盈利能力有冇去返疫情前水平？2）未來一兩年仲有冇較高確定性增長？
» Read more
