窮不單純沒有錢

正如某位網台紅人所講,窮即係冇錢。但一個窮人,係唔係有咗錢就會脫離貧窮呢?答案係多數唔能夠,因為窮係一種狀態,包括身心在內,你有窮人嘅思維,係唔會因為天降橫財令你想法改變的。窮同有錢其實係相對的,你有五萬,行入籠屋區你可以係有錢人,但你行入太古城,你什麼都不是。如果係咁,除咗錢,有冇另一種方法去量度出自己窮唔窮呢?有!其中一種分別就係目光。

所謂目光,其實就係你關心緊嘅事物嘅距離,距離包括時間同人際關係。簡單舉個例子:你最近憂心緊啲咩?

1. 露宿者:下一餐有冇著落?
2. 籠屋居民:月尾有冇租交?
3. 劏房家庭:完約會唔會加租?下個月有冇工開?
4. 上班族:下年公司會唔會同我續約?年尾有冇花紅?加幾多人工?
5. 管理層:公司呢兩年業績點?花十年打入董事會?呢行個趨勢如何?
6. 大企業老闆:世界個趨勢如何?環球經濟如何影響到我公司業務?進入加息週期要點應對?

以上例子大家見唔見到有個pattern?就係越有錢嘅人,佢哋諗嘅嘢,就會越遠。原因係聽日嘅太陽都唔知見唔見到,我點可能諗到可以睇到明年秋天嘅紅葉?如果你係下個月有冇工開都唔知嘅散工,你竟然去諗十年career path,反過來可能有點不切實際。不過無論你喺邊個狀態,了解自己嘅不足,一步步向前行,永遠不會太遲。

Credit: 戒窮

發表回覆

你的電郵地址並不會被公開。 必要欄位標記為 *