(1) 啟動形態 – 裂口不補之原理及操作應對

所謂啟動信號,係我呢幾年交易經過不斷覆盤同試驗,歸立後認為最有效,可以快速辨認個股形態及走勢嘅方法,而且適合用於捕捉任何種類嘅股票,小如Penny,大如FAANG亦非常奏效。

作為Patreon首發,我覺得呢篇文最值得作為第一篇技術文分享比所有認同我交易理念,或之前受到啟發嘅朋友,因為呢一個嘅形態,係為之後其他陸續分享嘅形態技術文上奠定一個基礎,而且係最容易理解同操作。

1. 啟動信號:Gap Up 後裂口不補

原理:

Gap Up 之所以形成,主要原因係開盤時供需失衡,買方掛單嘅價錢滿足唔到賣方嘅價位,而買方急切要貨,從而推高掛單嘅價錢,因此價格出現真空,引致裂口。

而裂口係第一日出現之後,連續幾日股價都徘徊係裂口上,大機會表現市場認同呢一個因供需失衡引致嘅真空,形成裂口不補嘅情況,如果Gap Up後股價表現不升不跌,慢慢穩定偷偷走上,確定性更大,爆發力更高。

Gap Up嘅出現,以及隨後嘅裂口不補,係一個非常值得關注嘅形態,裂口不補,可以改變原有跌跌不休嘅頹廢股性,可以意味住市場對消息嘅認同,或者係基本面出現改變/改善,有扭轉原有走勢嘅不足。

如果前期走勢到位,例如橫向盤整數天/數星期,或者整體趨勢一直向上走,其間再次出現Gap Up,會視為係一個明確嘅啟動信號。

操作:

Gap Up (跳空)只係啟動信號嘅一種,出現後並非需要即刻買入入場,但所有股票出現Gap Up,都需要高度關注,而且要連續幾日跟蹤留意,操作時有以下幾點可以留意 1)前期走勢到位,開盤Gap Up,但盤中曾經拉高過後再壓盤向下走,但日內股價依然守住裂口,可視為走勢非常穩定,盤中得到進一步關注後可以考慮入場,止蝕價位最好接近當日開盤價(即裂口上方)。2)首日出現Gap Up後盤中高走,但隨後低走低收,出現長上影線,即係Shooting Star,但隨後幾日股價運動依然係裂口之上,而且慢慢補走長上影線,而且盤中再次出現放量突破/ 開盤再次Gap Up,確認性大大增加,可以考慮入場,止蝕為當日股價最低位。

風險:

風險不大,但操作上見到當Gap Up時,切勿心急盤前追高買入,裂口嘅形成係源於買賣方嘅供需失衡,但盤前往往嘅交投量細,代表性不大,所以最好開盤15-30鐘後重點跟蹤,如果出現上面所提嘅上拉下洗,但股價穩守裂口之上,則進一步確認裂口之有效。

實際情況:

去到呢到多謝大家嘅支持先,我會嚟緊每個星期對於交易上嘅形態,心態,操作上當中都會出一篇文,而且內容絕對知無不言,全部係自身交易經驗同領悟而來,絕對獨家。

對於形態,仲有好多唔同嘅方式,我會慢慢更新分享比大家,最後目的係想透過我嘅分享,啟發到大家同進一步交流,日後一齊搵出更加多符合交易形態嘅股票。

另外各位如果有幸見到呢個Message,可以TG 我 bmcus,我會開一個Group大家討論,而且日後有機會開直播同針對各個形態同操作進一步講解。

聲明:以上內容純屬個人意見及分享,並不構成投資、買賣建議或推薦
Credit: 大山貓

0 0 vote
Article Rating
Subscribe
Notify of
guest
0 Comments
Inline Feedbacks
View all comments