恒大又狼來了?

恒指昨天急跌五百點,市況固然係曳,但焦點似乎唔係ATM跌咗幾多,保險股跌咗幾多,而係恒大系四隻股都急挫,恒大(3333)跌16%、恒大物業(6666)跌13%、恒大汽車(0708)跌19%及恒騰網絡(0136)跌12%,原因係有傳內地廣發銀行凍結恒大的銀行存款。恒大好唔掂,缺水,應該都係天知地知大家知的事,而且近年仲狼來了上演了無數次,不過今次似乎堅爆Feel。

青冰一向唔玩恒大系的股份,無論跌得幾殘,挾得幾急,都一貫唔鬼理佢,所以多年來都係食花生為主,亦沒深究佢幾時會爆,佢資不抵債幾多幾多,講真,要跟佢的新聞都認真累呀,今日話佢唔夠錢還債,轉頭又發通告話有錢還,呢頭話佢內銀要為佢做壓力測試,轉頭又話黨慶有份應邀出席,應該無事啦,劇情反轉再反轉。
» Read more